2025/2026 mövsümünün Almaniya Bundesliqasında 3-cü turun “Haydenhaym” – “Borussiya Dortmund” oyunu başa çatıb.
90deqiqe.Az-ın məlumatına görə, “Foyt-Arena”da keçirilən matçda qonaqlar 2:0 hesabı ilə qələbə qazanıb.
Oyun zamanı 22-ci dəqiqədə “Haydenhaym” Gürcüstanlı hücumçu Budu Zivzivadzenin qırmızı vərəqə alması ilə on nəfərlik qalıb. 33-cü dəqiqədə “Borussiya”nın hücumçusu Seru Cirassi hesabı açıb, 45+6-cı dəqiqədə isə Maksimilian Bayer ikinci qolu vurub.
Bu qələbə ilə “Borussiya” Bundesliqada ikinci qələbəsini qazanaraq turnir cədvəlində birinci pilləyə yüksəlib. Komandanın aktivində üç turdan sonra 7 xal var. “Haydenhaym” isə xalsız olaraq sonuncu sıradadır.
