“Sheki City” son 10 mövsümün rekorduna imza atıb.
Apasport.az xəbər verir ki, II Liqanın II turunda “Araz Saatlı”nın qonağı olan Şəki təmsilçisi meydan sahiblərinin qapısından 12 cavabsız top keçirib.
Olkəmiqyaslı yarışlarda bir komandanın 12 qol vurması və 12 top fərqi ilə qalib gəlməsi son 10 mövsümdə ilk dəfə yaşanıb. Sonuncu belə matç 2015/16 mövsümündə baş tutub. 2015-ci il sentyabrın 11-də “Energetik”in qonağı olan “Neftçala” səfərdə 12:0 hesablı qələbə qazanıb.
“Sheki City” çempionat və kubokun PFL bayrağı altında keçirildiyi dövrdə ən böyükhesablı qələbə qazanan və bir matçda ən çox qol vuran “Neftçala”nın bu rekordlarını təkrarlayıb. 2008/09 mövsümündən başlayan dövrdə 12 və ya daha çox top vuran və belə fərqlə qalib gələn başqa komanda olmayıb.
Saatlıdakı qarşılaşma həm də II Liqanın XXI əsrdə keçirilən oyunları üçün mütləq rekorddur. Uzun fasilədən sonra bərpa olunan və ardıcıl 3-cü dəfə keçirilən II Liqada bunadək ən böyük hesab 10:0 olub. 2024/25 mövsümündə “Araz Saatlı”nın qonağı olan “Şəfa” meydan sahiblərinin qapısından 10 cavabsız top keçirib.
“Şamaxı” 56-cı böyükhesablı qələbəsini qazanıb
“Turan Tovuz”un üzvü 100-ə çatdı
"Kəpəz"dən dördüncü uğursuz start
Qismət Alıyev: "Avropa komandaları “Qarabağ”la başabaş oynaya bilmir”
“Qəbələ”dən qələbə, Gəncədə bərabərlik
