İspaniyada La Liqanın 4-cü turu çərçivəsində keçirilən oyunda "Barselona" evdə "Valensiya" üzərində 6:0 hesablı qələbə qazanıb.
Publika.az xəbər verir ki, kataloniyalıların qollarını dubl edən Fermin Lopes, Rafinya və Robert Levandovski vurub. Sonuncular meydana sonradan - müvafiq olaraq 45-ci və 68-ci dəqiqələrdə daxil olublar.
Jurnalist Aleksis Blaskesin məlumatına görə, La Liqa tarixində ilk dəfə olaraq bir oyunda əvəzlənərək meydana daxil olan iki futbolçu eyni matçda dubla imza atıb.
