Bizim media saytına istinadən ain.az xəbər verir.
Şəmkirdə ağır yol-nəqliyyat hadisəsi ölümlə və xəsarətlə nəticələnib.Bizim.Media-nın yerli bürosunun məlumatına görə, qəza Bakı-Qazax magistral yolunun rayon ərazisindən keçən hissəsində baş verib. İlkin versiyaya görə hərəkətdə olan “Hyundai” markalı minik avtomobilinin sürücüsü idarəetməni itirməsi nəticəsində avtomobil yoldan çıxaraq kənardakı ağaca çırpılıb. Qəza zamanı avtomobil deformasiyaya uğrayıb və bir nəfər ölüb. Dərhal hadisə yerinə FHN Dövlət Yanğından Mühafizə Xidmətinin Şəmkir Rayon Dövlət Yanğından Mühafizə hissəsinin xilasediciləri cəlb olunub.Xüsusi avadanlıqların köməkliyi ilə 1 nəfərin meyiti nəqliyyat vasitəsindən çıxarılaraq aidiyyəti üzrə təhvil verilib. Bir nəfər xəsarət alaraq xəstəxanaya yerləşdirilib.Hazırda ölən və xəsarət alanların kimliyi müəyyənləşdirilir. Faktla bağlı araşdırma aparılır.
Məqsəd Rəhimov, Bizim.Media, Qərb Bürosu
Sonrakı hadisələr barədə daha çox məlumat almaq üçün ain.az saytını izləyin.
