Roma, 13 sentyabr, AZƏRTAC
İtaliyada fəaliyyət göstərən xəstəxanalar “Newsweek” jurnalının tərtib etdiyi “Dünyanın ən yaxşı ixtisaslaşdırılmış xəstəxanaları 2026” reytinqində ilk yerlərdə qərarlaşıb.
AZƏRTAC xəbər verir ki, paytaxt Romadakı “Bambino Gesu” pediatrik xəstəxanası pediatriya üzrə dünyada üçüncü, “Gemelli” xəstəxanası isə ginekologiya üzrə üçüncü sırada yer alıb.
İtaliyanın Baş naziri Ciorcia Meloni bildirib ki, beynəlxalq miqyasda ən yaxşı ixtisaslaşmış xəstəxanalar arasında İtaliyadan 41 səhiyyə müəssisəsi yer alıb. Bu, ölkə səhiyyəsinin keyfiyyətini təsdiq edən xəbərdir. Dünyanın ən yaxşı 50 xəstəxanası arasında İtaliyadan 4 uşaq xəstəxanasının yer alması isə tibbi, klinik və elmi peşəkarlığı unikal empatiya və dərin insan əlaqəsi ilə birləşdirən terminin tam mənada qayğı modelini nümayiş etdirir”, - deyə Baş nazir vurğulayıb.
Nihad Budaqov
AZƏRTAC-ın xüsusi müxbiri
Roma
