Tokio Rusiya nefti üçün 60 dollardan 47,6 dollara endirilmiş yeni limit tətbiq edir...
Poliqon xəbər verir ki, Yaponiya hökuməti Rusiya mənşəli neftin idxalında tətbiq edilən qiymət tavanını azaldıb. Yaponiyanın Xarici İşlər Nazirliyinin rəsmi məlumatına görə, sentyabrın 12-dən etibarən hər barel üçün əvvəlki 60 dollarlıq limit 47,6 dollara endiriləcək. Bu qərarın əsas məqsədi Rusiyanın enerji ixracatından əldə etdiyi gəlirləri məhdudlaşdırmaqdır.
Qərar həmçinin “Yeddilik” (G7) ölkələrinin Moskva üzərinə təzyiqləri gücləndirmək xəttinə uyğun olaraq qəbul edilib. Tokio hesab edir ki, neft satışından əldə olunan gəlirlərin azaldılması Ukrayna müharibəsinin maliyyələşməsinə təsir göstərəcək.
Eyni zamanda Yaponiya hökuməti Rusiyaya qarşı yeni məhdudiyyətlər kontekstində ölkə daxilində fəaliyyət göstərən “Yapon Mərkəzləri” ilə bağlı da addımlar atıb. Sentyabrın əvvəlində açıqlanmış qərara əsasən, bu qurumun bütün altı filialı bağlanacaq. Yaponiyanın Nazirlər Kabineti bunun səbəbləri arasında Moskva ilə münasibətlərdəki gərginliyi və Rusiyadakı “daxili vəziyyəti” göstərib.
Buna cavab olaraq, Rusiya Xarici İşlər Nazirliyi bəyan edib ki, hüquq-mühafizə orqanları “Yapon Mərkəzləri”nin fəaliyyətində pozuntular aşkar ediblər. Moskva Tokionun atdığı addımların ikitərəfli münasibətlərə mənfi təsir göstərəcəyini vurğulayıb.
Poliqon.info
