1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Səbail rayonu, Bayıl qəsəbəsi, Əlibəyov qardaşları küçəsi, 10 ünvanındakı çoxmərtəbəli binada quraşdırılan qurğu sakinlərin rahatlığını pozub.
Onların sözlərinə görə, bu qurğudan gələn səs xüsusilə axşam saatlarında vəziyyəti dözülməz edir. Sakinlər səsdən yata bilmədiklərini bildiriblər.
"Səsə görə qapı-pəncərəni aça bilmirik. Telefonla danışmaq mümkün deyil. Qonaq gələndə 5 dəqiqə rahat söhbət edə bilmirik", - deyə sakin mövcud vəziyyətdən şikayətlənib.
Mənzil-Tikinti Kooperativindən isə məsələ ilə bağlı bildirilib ki, sözügedən istilik infrastrukturundan gələn səsdən məlumatlıdırlar:
"Problemin aradan qaldırılması üçün artıq texniki işlərə başlanılıb. Eyni zamanda, bir neçə müvafiq ixtisaslaşmış şirkətlə danışıqlar aparılır və yaxın müddətdə problemin tam şəkildə həll edilməsi nəzərdə tutulur".
Daha ətraflı Baku TV-nin videomaterialında:
