Polşa hərbçiləri gecə saatlarında ölkənin hava məkanını pozan obyektləri vurub.
Bakıvaxtı.az-ın məlumatına görə, bunu Polşanın baş naziri Donald Tusk "X" hesabında yazıb.
usk bildirib ki, Polşa hava məkanının çoxsaylı pozulması ilə bağlı əməliyyat aparılır:
"Ordu obyektlərə qarşı silahdan istifadə edib. Prezident və müdafiə naziri ilə daim əlaqə saxlayıram" deyən Baş nazir birbaşa əməliyyat komandirindən hesabat aldığını vurğulayıb.
Ukrayna tərəfi Rusiyanın bir neçə pilotsuz təyyarəsinin Ukrayna üzərindən Polşaya uçduğunu bildirib. Amma Polşa hərbçilərinin vurduğu obyektlərin Rusiya PUA-ları olması ilə bağlı məlumat yoxdur. Polşa qırıcı təyyarələrinin ölkənin hava məkanını pozan ən azı 4 pilotsuz təyyarəni vurduğu bildirilir.
