ÜST meymunçiçəyi ilə bağlı beynəlxalq fövqəladə hal rejimini ləğv etdi

Meymunçiçəyi epidemiyasına görə tətbiq olunan beynəlxalq fövqəladə hal rejimi ləğv edilib.

Oxu.Az TASS-a istinadən xəbər verir ki, bunu Ümumdünya Səhiyyə Təşkilatının (ÜST) baş direktoru Tedros Adhanom Qebreyesus bildirib.

Onun sözlərinə görə, beynəlxalq səhiyyə qaydalarına uyğun olaraq çağırılan fövqəladə hallar komitəsinin tövsiyəsi ilə Afrikada meymunçiçəyi xəstəliyinin yayılması ilə əlaqədar bir ildən artıqdır ki, müvafiq fövqəladə vəziyyət rejimi elan edilib. O vaxtdan bəri, bu komitə epidemiya ilə əlaqədar vəziyyəti qiymətləndirmək üçün hər üç aydan bir toplanır.

"Son toplantıda bildirildi ki, komitənin fikrincə, meymunçiçəyi artıq ictimai səhiyyə ilə bağlı beynəlxalq səviyyədə narahatlıq doğuran fövqəladə hal təşkil etmir. Mən bu tövsiyəni qəbul etdim", - ÜST rəhbəri Cenevrədəki brifinqdə jurnalistlərə bildirib.

Chosen

demokrat.az

ÜST meymunçiçəyi ilə bağlı beynəlxalq fövqəladə hal rejimini ləğv etdi

Sign in to your account

Sign up

Şifrəni bərpa et