TBİLİSİ, 3 sentyabr. TELEQRAF
Gürcüstan parlamenti Vahid Milli Hərəkat Partiyasının (VMHP) ölkə konstitusiyasına zidd elan edilməsi üçün xüsusi qətnamə qəbul edib.
Teleqraf-ın yerli bürosu xəbər verir ki, sənədi 85 deputat dəstəkləyib.
Qətnamə ilə parlamentin müvəqqəti komissiyasının 2003-2012-ci illərdə hakimiyyətdə olmuş rejimin dövründə törədilmiş cinayət faktlarının yer aldığı 460 səhifəlik hesabatı təsdiqlənib.
“Gürcü Arzusu” fraksiyasının rəhbəri İrakli Kirtsxaliya bildirib ki, qətnamənin əsasında VMHP-nin ləğv edilməsi ilə bağlı Konstitusiya Məhkəməsinə tutarlı və əsaslı iddia hazırlanacaq.
Xatırladaq ki, VMHP-ni 2001-ci ildə Gürcüstanın eks-prezidenti Mixeil Saakaşvili təsis edib. Siyasi təşkilat 2004-2012-ci illərdə Gürcüstanın hakim partiyası olub.
