Bu gün Xaçmaz rayonunun bir sıra yaşayış məntəqələrində qaz təchizatında fasilə yaranıb.
Bu barədə Far.Az-ə Xaçmaz Regional Qaz İstismar İdarəsindən məlumat verilib.
Bildirilib ki, Xaçmaz xidmət sahəsinin Xudat qazpaylayıcı stansiyasından qidalanan Xudat şəhəri istiqamətində istismarda olan PE 315 mm-lik yeraltı ortatəzyiqli qaz xəttində aşkar olunmuş sızmanın aradan qaldırılması ilə əlaqədar olaraq bu gün saat 09:30-dan etibarən işlər yekunlaşanadək qaz təchizatı daxildən dayandırılıb.
Qaz təchizatı dayandırılan müddətdə bir şəhər, bir qəsəbə və 26 kənd olmaqla ümumilikdə 10 190 abonentin qaz təchizatında fasilə yaranacaq.
