Hacıqabul Rayon Məhkəməsində dələduzluqda təqsirləndirilən Cabir Kərimovun (adı, soyadı şərtidir) cinayət işi üzrə məhkəmə istintaqı yekunlaşıb.
Pravda.az-ın əldə etdiyi məlumata görə, hakim Orxan Bayramovun sədrliyi ilə keçirilən prosesdə hökm oxunub.
Məhkəmənin hökmü ilə o, 3 il müddətinə azadlığın məhdudlaşdırılması (elektron qolbaq) cəzasına məhkum edilib.
İttihama görə, Cabir Kərimov Hacıqabul rayonu Pirsaat qəsəbəsində yerləşən “Fədək Market” MMC-də kassir vəzifəsində işləyib. O, 2023-cü ilin fevral ayının həmin ilin oktyabr ayına kimi olan müddət ərzində kassa aparatına daxil olaraq nağdsız qaydada müxtəlif məbləğlərdə qəbz çıxararaq mobil telefonun “Birbank” tətbiqi vasitəsi ilə “ƏDV geri al” sistemindən müxtəlif məbləğlərdə pul əldə edib. Nəticəsində Cabir Kərimov Maliyyə Nazirliyinə 5503 manat 26 qəpik maddi ziyan vurub.
Daha sonra Cabir Kərimov saxlanılıb və barəsində başqa yerə getməmək haqqında iltizam qətimkan tədbiri seçilib.
Kamal Məmmədov
