ABŞ prezidenti Donald Tramp Çin lideri Si Szinpin və Şimali Koreya lideri Kim Çen Inla görüşmək planlarından danışıb...
Poliqon xəbər verir ki, bu barədə Fox News və The Guardian yazıb.
Tramp jurnalistlərə bildirib ki, bu yaxınlarda Si Szinpinlə danışıb. O əlavə edib ki, iki ölkə arasında ticarət şərtləri ilə bağlı danışıqlar çərçivəsində Çinə səfər etməyi düşünür: "Hansısa bir nöqtədə, yəqin ki, bu il və ya bir az sonra Çinə gedəcəyik".
Tramp həmçinin deyib ki, ABŞ və Çin arasında möhtəşəm bir münasibət olacaq. Baxmayaraq ki, o, istəsə, ixtiyarında olan "inanılmaz kartlar" oynayaraq Çini məhv edə bilər.
ABŞ prezidenti həmçinin Şimali Koreya lideri Kim Çen Inla bu il görüşmək istədiyini bildirib. Tramp bunu Cənubi Koreyanın yeni prezidenti Li Jae-Myunqla Oval Ofisdə görüşü zamanı deyib: "Mən görüşmək istərdim. Kim Çen Inla uyğun vaxtda görüşməyi səbirsizliklə gözləyirəm".
O, həmçinin Kimlə münasibətini yüksək qiymətləndirib və onun kiçik bacısı və sirdaşı Kim Yo Yonqu nəzərdə tutaraq onu "bacısından başqa hamıdan yaxşı tanıdığını" deyib.
Danışıqların bu il baş tutacağına ümid etdiyini bildirən Tramp deyib: "Onu nə vaxtsa görəcəyəm. Onunla görüşməyi səbirsizliklə gözləyirəm. O, mənə çox yaxşı münasibət bəsləyir".
Poliqon.info
