Tərtər rayonu ərazisində avtomobil yoluna günəbaxan tumlarının səpilməsi ilə bağlı sosial şəbəkələrdə görüntülər yayılıb.
Yeniavaz.com xəbər verir ki, DİN Mətbuat Xidmətinin regional qrupunun məlumatına görə, görüntülər polis əməkdaşları tərəfindən araşdırılıb.
Müəyyən edilib ki, Bayandurlu kəndi ərazisindən keçən avtomobil yoluna günabaxan tumları səpərək hərəkəti məhdudlaşdıran şəxs rayon sakini, 1975-ci il təvəllüdlü Ayaz Məmmədov olub.
“Onun barəsində İnzibati Xətalar Məcəlləsinin müvafiq maddəsinə əsasən inzibati protokol tərtib olunaraq məsuliyyətə cəlb edilib”, - məlumatda deyilir.
