"Buna haqqınız yoxdur, gedin müalicə alın" - Təlimçidən psixoloqlara sərt sözlər

Azərbaycanda psixoloqun tapşırıq verdiyi şəxsin qorxudan dili qatlanıb.

Ölkə.Az xəbər verir ki, bu barədə şəxsi inkişaf kouçu, Kvant təlimçisi Gülgün Quliyeva danışıb. O, ilk seansdan psixoloqun tapşırıq verdiyi şəxsin başına gələnləri danışıb:

“Bir xanım psixoloqa müraciət edib ki, məndə sosial fobiya var. Çox adam olan yerlərdə həyəcan, təşviş keçirirəm. Psixoloq da ilk seansdan sonra deyib ki, çox adam olan yerə get, yolun ortasında dayan, gəlib keçən adamlarla göz kontaktı qur, 5-10 dəqiqə sonra da yerdə otur. Xanım da gedib, təbii ki, heç kimlə göz kontaktı qura bilməyib. Amma psixoloqa nəysə nəticə aparmalıdır deyə, çöküb yolun ortasında oturub. Polis gəlib yaxınlaşıb ki, xanım, yaxşısınız, kömək lazımdır? Xanımın stresdən dili qatlanıb”.

G.Quliyeva bu cür psixoloqlara müalicə almağı tövsiyə edib:

“Bunu danışmaqda məqsədim odur ki, əziz mental sfera işçiləri, pasiyentlərinizin uğuru sizin uğurunuz deyil. Öz natamamlıq kompleksiniz ucabtından insanları hazır olmadıqları ssenarilərə sürükləməyin. Özünün fərqində deyilsə, “əsla etmərəm” dediyi şeyi edirsə, seans zamanı nəyisə gizlədirsə, tapşırığı icra etmədən gəlibsə, bunlar normaldır. Siz xilaskar deyilsiniz, o da qurban deyil, siz valideyin deyilsiniz, o da uşaq. Xahiş edirəm, gedin, müalicə alın. Onsuz da bu millətin halı ürəkaçan deyil. Bir də cavab tapmaq üçün yollandığı qapılardan daha ağır yüklərlə - günahkarlıq, yetərsizlik, iradəsizliklə ayrılmalarına səbəbiyyət verməyə haqqınız yoxdur”.

Billurə

"Buna haqqınız yoxdur, gedin müalicə alın" - Təlimçidən psixoloqlara sərt sözlər

Sign in to your account

Sign up

Şifrəni bərpa et