ABŞ-nin Qərbi Virciniya (ing. West Virginia) ştatının Mount Carbon bölgəsində baş verən silahlı hücum nəticəsində 1 nəfərin həyatını itirdiyi, 3 nəfərin yaralandığı bildirilib.
"Cebheinfo.az" xəbər verir ki, Mount Carbon bölgəsində çalışan polis əməkdaşları, ştatın cənub hissəsində silahlı hücumun baş verdiyini açıqlayıblar.
Rəsmi şəxslər hücum zamanı 1 nəfərin öldüyünü, 3 nəfərin isə yaralandığını bildiriblər.
Yaralıların xəstəxanada müalicə olunduğunu qeyd edən rəsmilər, hücum edən şəxsin hadisə yerində intihar etdiyini də açıqlayıblar.
