Verilən qərarların bəzi qiymətləndirmələri ilə tam razılaşmamağıma baxmayaraq, hamınızdan üzr istəyirəm.
Azreform.info xəbər verir ki, bu barədə Ermənistanın baş naziri Nikol Paşinyan öz Facebook səhifəsində yazıb.
“Korrupsiyaya Qarşı Mübarizə Komissiyası mənim çıxışımda iki məlum epizodda davranış qaydalarının pozulmasını qeydə aldı. Hörmətli insanlar, qərarların bəzi qiymətləndirmələri ilə tam razı olmamağıma baxmayaraq, hamınızdan bağışlanma diləyirəm. Dəqiq desəm, vurğulamaq istərdim ki, mənim üzrxahlığım Korrupsiyaya Qarşı Mübarizə Komissiyasının qərar verdiyi iki konkret ifadəyə aiddir. Onlarla bağlı siyasi, mənəvi və əxlaqi prinsipləri bir daha təsdiq etmək məqsədi və xalqın dəstəyi ilə bu məqsədi həyata keçirmək iradəm sarsılmazdır.
Çünki bu, Ermənistanın siyasi, hüquqi və mənəvi təhlükəsizliyi üçün həyati zərurətdir. Mənəvi yenilənmə gündəmində isə mən özüm çatışmazlıqlarımı etiraf etməliyəm və emosiyalarımı daha yaxşı idarə etməliyəm.
Siyasi və dövlət yenilənməsi kontekstində tolerantlıq, dövlət, demokratik təsisatlara hörmət vacibdir ki, mən bunu bu şəkildə nümayiş etdirirəm”, - Paşinyan yazıb.
Mürtəza
