İngiltərənin "Moline" stadionunda "Vulverhempton" və "Mançester Siti" komandalarının qarşılaşdığı İngiltərə Premyer Liqasının 1-ci turunun oyunu başa çatıb.
Moderator.az xəbər verir ki, "şəhərlilər" 4:0 hesabı ilə inamlı qələbə qazanıb.
Matçın ilk qolunu 34-cü dəqiqədə "Mançester Siti"nin hücumçusu Erlinq Holand vurub. Üç dəqiqə sonra yarımmüdafiəçi Teyani Reynders qonaqların üstünlüyünü iki topa çatdırıb. 61-ci dəqiqədə Holand dubla imza atıb. 81-ci dəqiqədə "Mançester Siti"nin yeni oyunçusu Rayan Şerki oyunda son nöqtəni qoyub.
