Rusiya ordusu Donetsk Xalq Respublikasının Kirovsk şəhərinin qərb hissəsinə daxil olmağa başlayıb.
Bakues.az xəbər verir ki, bu barədə hərbi ekspert Andrey Maroçko TASS-a açıqlama verib.
Onun sözlərinə görə, Ukrayna Silahlı Qüvvələri əsasən Torskoyenin cənubundakı yüksəkliklərdən və Yampolovkanın cənub-qərbindəki mövqelərdən müqavimət göstərir.
Ekspert bildirib ki, Ukrayna tərəfinin bu istiqamətdə qüvvə çatışmazlığı var. Ukrayna əsgərləri yaxın döyüşlərdən yayınaraq əsasən uzaqmənzilli silahlardan istifadə edirlər.
