Azərbaycan yığmasının futbolçusu Renat Dadaşov Polşa çempionatında növbəti oyununu keçirib.
Sportinfo.az xəbər verir ki, onun çıxış etdiyi "Motor" 4-cü turda "Lexiya"nın qonağı olub.
Qdansk şəhərində keçirilən qarşılaşma məhsuldar alınıb. 3:3 hesabı ilə başa çatan görüşə Renat ehtiyat oyunçular skamyasında start verib.
Dadaşov 80-ci dəqiqədə meydana çıxmaq şansı qazanıb. O, fərqlənə bilməyib.
"Motor" 3 matçdan sonra 4 xalla 11-ci pillədə qərarlaşıb.
