Tramp Rusiyadan neft almaqda davam etdiyi üçün Hindistan məhsullarının idxalına daha 25% rüsum tətbiq edilməsi haqqında sərəncam imzalayıb.
Moderator.az xəbər verir ki, bu barədə Ağ Evin saytında dərc olunmuş ABŞ prezidentinin sərəncamında deyilir.
Prezident administrasiyasından bildirilib ki, Hindistana qarşı tətbiq edilən tarif Rusiya neftini idxal edən digər ölkələrə də şamil edilə bilər.
Qeyd edək ki, Hindistan məhsullarına əlavə 25%-lik gömrük tarifinin tətbiqi qərarı Trampın xüsusi nümayəndəsi Stiven Uitkofun Moskvada Rusiya Prezidenti Vladimir Putinlə görüşündən az sonra verilib. Görünür Ağ Ev danışıqların nəticəsindən razı qalmayıb.
