Lent az saytından əldə olunan məlumata görə, ain.az məlumat yayır.
Qəhvə təkcə insanı ayıltmır, həm də antibiotik qəbul edənlər üçün önəmli nəticələr doğura bilər. Alimlər aşkar ediblər ki, qəhvə bağırsaq bakteriyalarını antibiotiklərə qarşı daha davamlı edir. Bu barədə Lent.az məlumat verir:
Genetik mexanizm: Rob geni və zəncirvari reaksiya
Alimlər kofeinin Rob adlı geni aktivləşdirdiyini müəyyən ediblər. Bu gen aktiv olduqda, nəqliyyat zülallarının davranışı dəyişir və nəticədə bakteriyalar məsələn, siprofloksasin kimi antibiotiklərin hüceyrəyə daxil olmasına mane olur. Professor Broxado izah edir ki, kofein antibiotiki "öldürmür", sadəcə hüceyrə divarından keçmə prosesini ləngidir. Yəni bakteriyalar tam davamlı olmurlar, sadəcə məhv edilmələri çətinləşir. Ən narahatedici məqam isə odur ki, bu təsir standart antibiotik müqavimət testlərində özünü göstərmir. Beləliklə, analiz antibiotikin təsirli olduğunu göstərə bilər, amma əslində o qədər də effektiv olmaya bilər.
Səalmoneallaya təsiri fərqlidir
Alimlər eyni zamanda kofeinin antibiotiklərin Salmonella bakteriyasına təsirini də araşdırıblar. Məlum olub ki, bu halda kofein dərmanların sorulmasını azaltmır. Görünür, səbəb müxtəlif bakteriya növlərinin nəqliyyat zülallarını fərqli şəkildə tənzimləməsindədir — biri "qapıları" bağlayır, digəri isə yox.
Yeni anlayış: "aşağı səviyyəli" rezistentlik
Bu effekt klassik davamlılıq (rezistentlik) sayılmır. Bu, bakteriyaların istəyə uyğun "açıb-bağlaya bildiyi" daha çevik bir müdafiə mexanizmidir. Ona görə də alimlər bunu "aşağı səviyyəli rezistentlik" adlandırırlar. O keçicidir və zəif hiss olunur, lakin təhlükəsiz deyil. Bu, bakteriyalara uzun müddət sağ qalmaq imkanı verir, bu isə daimi və güclü davamlılıq inkişaf etdirməyə zəmin yarada bilər. Başqa sözlə, kofein bağırsaq çöpünü "öldürülməz" etmir, amma ona mübarizədə üstünlük qazandırır. Tibbdə isə kiçik bir üstünlük belə böyük fərq yarada bilər.
Tübingen Universitetinin prezidenti Karla Pollmann qeyd edib:
“Gündəlik qəbul etdiyimiz maddələrin təsirini araşdıran belə fundamental elmi işlər real problemləri anlamaq və həll etmək üçün elmin həyati vacibliyini göstərir". Alimlər bu nəticələrin gələcəkdə həkimlərin antibiotik müalicəsi təyin edərkən xəstənin qidalanmasını — xüsusilə kofein istifadəsini nəzərə almağa məcbur edəcəyini proqnozlaşdırırlar.
Sonrakı hadisələr barədə daha çox məlumat almaq üçün ain.az saytını izləyin.
