ain.az, Avtosfer portalından verilən məlumatlara əsaslanaraq xəbər verir.
Azərbaycanda avtonəqliyyat vasitələri sahiblərinin mülki məsuliyyətinin icbari sığortası üzrə yığımlar və ödənişlər artıb. Avtosfer.az Mərkəzi Bankın aylıq hesabatına istiandən xəbər verir ki, 2025-ci ilin yanvar-iyun aylarında bu növ sığorta üzrə yığımlar 84 milyon 301 min manat təşkil edib. Bu da ötən ilin müvafiq dövrü ilə müqayisədə 4 milyon 660 min manat və ya 6% çoxdur. 2024-cü ilin yanvar-iyun aylarında bu göstərici 79 milyon 641 min manat təşkil edib. Bu dövrdə bu növ sığorta ödənişləri 64 milyon 229 min manat təşkil edib ki, bu da illik müqayisədə 6 milyon 368 min manat və ya 11% çoxdur. Əvvəlki ilin eyni dövründə 57 milyon 861 min manat sığorta ödənişləri edilmişdi.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
