Rusiya ordusunun Kiyevə genişmiqyaslı hava hücumu zamanı Azərbaycan Evinə ziyan dəyib.
Bakıvaxtı.az xəbər verir ki, bu barədə Ukrayna Azərbaycanlıları Radasının direktoru Elşad İbrahimov AZƏRTAC-a açıqlamasında bildirib.
Onun sözlərinə görə, binanın ön və arxa tərəfdən şüşələri qırılıb, jalüz və mebellər zədələnib. Hadisə nəticəsində xəsarət alan olmayıb.
Qeyd edək ki, iyulun 31-də Rusiya 300-dən çox zərbə dronu və 8 raketlə Ukraynaya hava hücumu edib. Əsas hədəf isə paytaxt Kiyev olub. Şəhərdə yaşayış evlərinə, inzibati binalara və infrastruktura ciddi ziyan dəyib. Burada həlak olanların sayı 28 nəfərə çatıb.
Avqustun 1-i Kiyevdə matəm günü elan edilib.
