Ermənistanın Baş prokurorluğuna Paşinyandan şikayət edilib | VİDEO

AzVision.az Rusiya mediasının yaydığı məlumata istinadən xəbər verir ki, Paşinyanın “cinayətləri” ilə bağlı iki ayrı-ayrı hesabat təqdim olunub.

“Zartonk” partiyasının iddiasına görə, Paşinyan sosial şəbəkələrdə hüquq-mühafizə və məhkəmə orqanlarına ictimai cinayət təqibinin başlanması, yüksək rütbəli din xadimlərinin saxlanması və həbsi barədə göstəriş verib.

“Ermənistanın baş naziri öz hərəkətləri ilə qanunvericilik prinsipini, qanunvericilik, icra və məhkəmə hakimiyyətinin bölünməsinin konstitusiya prinsipini pozub, həmçinin ədalət mühakiməsinin həyata keçirilməsinə müdaxilə edib”,- şikayətlərin müəllifləri yazırlar.

Paşinyan EAK-ın rəhbərinə qarşı aksiya hazırlayıb

İkinci bəyanatda Nikol Paşinyanın Erməni Apostol Kilsəsinə (EAK) göstərdiyi təzyiqlərdən bəhs olunur. Partiya onun əməllərinin Cinayət Məcəlləsinin bir neçə maddəsini pozduğunu vurğulayıb.

Ermənistanın baş naziri iyulun 20-də sosial şəbəkələrdə EAK-ın rəhbəri, bütün ermənilərin katolikosu II Qareginin Eçmiədzindəki iqamətgahından qovulmasına hazırlaşmağa çağırıb.


Sahil İsgəndərov
AzVision.az