"Komo" "Mançester Siti"dən icarəyə götürdüyü Maksimo Perronenin transfer hüquqlarını alıb.
QOL.az xəbər verir ki, bu barədə A seriyası klubunun mətbuat xidməti məlumat yayıb.
"Komo" Perrone üçün "Mançester Siti"yə 15 milyon avro təzminat ödəyəcək. 22 yaşlı dayaq yarımmüdafiəçisi ilə 2029-cu ilin yayına kimi müqavilə imzalanıb.
Qeyd edək ki, "Komo" Maksimo Perroneni ötən ilin yayında icarəyə götürmüşdü. Argentina millisinin üzvü bu komandada 26 rəsmi matçda 3 qol ötürməsi edib.
