Yazıçı-publisist, "Olaylar" qəzeti və eyniadlı informasiya agentliyinin rəhbəri, siyasi şərhçi Yunus Oğuz Mətbuat Şurası İdarə Heyətinin üzvü, “Bakı-Xəbər” qəzetinin baş redaktoru, tanınmış jurnalist və ictimai xadim Aydın Quliyevi 65 illik yubileyi münasibəti ilə təbrik edib.
Təbrikdə deyilir:
“...Dünya təkcə dağdan-daşdan, ayrı-ayrı insanların qurub-tikdiyi memarlıq nümunələrindən abidələr yaratmır. O, həm də dəyəri heç bir qiymətə sığmayan insandan abidə yaradır... Və o insanlar zaman, məkan ölçüsünə sığmır... Dünya təkcə ləl-cəvahiratdan xəzinə yaratmır... O, həm də əyar ölçüsü olmayan insandan xəzinə yaradır... Mənim üçün Aydın Quliyev dünyanın bütün zamanlarında yaşayan ulusal bir dəyərdir! Mənim üçün Aydın Quliyev Allahın Ğöy Qübbəsi altında bütün insanlığa bəxş etdiyi Əmanətdir! Sərvətdir! Mediamızın, ictimai-siyasi platformamızın, publisistikamızın "yeraltı və yerüstü" sərvədir! Mənim üçün Aydın Quliyev qos-qoca, yaşı bilinməyən bir DƏDƏ, hər şeyi yenicə başlayan bir GƏNCdir! Və bu dədə gəncin bioloji yaşı - 65-i tamam olur... Əslində 650 il yaşamışlar kimi müdrikdir, kamildir! Cahana sığmazdı! Ömrü insana Tanrı verir... Qalır sən o ömrə nə sığdıracaqsan... Aydın Quliyev 65 ilə 650 ilin mirasını sığdırdı... Aydın Quliyev Düşüncədir, Fikirdir, Zəkadır! Aydın Quliyev İşıqdır! Və ən əsası Aydın Quliyev mənim dəyişməz dostumdur!
Ömrün bərəkətli olsun, dostum! Mediamızın şah əsərlərindən biri olan "Bakı-Xəbər"in başı üstündən əskik olma! Ömür yaşın ağır olsun!”.
