Bloqer Subo (əsl adı - Sübxan Məmmədov Murad oğlu) barəsində vergidən yayınma və çirkli pulların yuyulması iddiası ilə cinayət işi açılıb.
Ucnoqta.az xəbər verir ki, bu barədə iyulun 14-də Rusiya İstintaq Komitəsinin Moskva vilayəti üzrə Baş İstintaq İdarəsinin mətbuat xidməti məlumat yayıb.
İstintaqın məlumatına görə, 2020-2022-ci illər arasında bloqer, atası və qardaşı vergidən yayınma sxemi yaradıb, bundan sonra dövlətə 50 milyon rubldan çox pul daxil olmayıb.
Bundan əlavə, müttəhimlər 10 milyon rubla premium avtomobil alıblar. Həmçinin vergilərin ödənilməməsi fonunda 20 milyon rubl məbləğində cərimə və cərimə borcu yığılıb.
Faktla bağlı Rusiya Federasiyası Cinayət Məcəlləsinin 198-ci maddəsinin 2-ci hissəsi və Rusiya Federasiyası Cinayət Məcəlləsinin 174.1-ci maddəsinin 4-cü hissəsinin “b” bəndi ilə cinayət işi açılıb. Bloqerin qardaşı və atasına qarşı da cinayət törətməkdə oxşar ittihamlar irəli sürülüb.
Hazırda həmin şəxs barəsində axtarış elan edilib, yaxınları barəsində həbs-qətimkan tədbiri seçilib.
