Azərbaycan millisinin hücumçusu Mahir Emreli “Kayzerslautern”in heyətində növbəti yoxlama oyununu keçirib.
Axar.az xəbər verir ki, alman komandası İngiltərə təmsilçisi “Notts Kaunti” ilə qarşılaşıb. Oyun zamanı “Kayzerslautern” artıq ilk 10 dəqiqədə üç qol vuraraq üstünlük əldə edib. Qollardan biri – üçüncüsü Mahir Emrelinin aktivinə yazılıb. Matç 4-0 hesabı ilə başa çatıb.
Mahir Emreli ikinci hissə əvəzlənib.
Qeyd edək ki, Emreli daha öncə “Saar/Lüksemburq komandası ilə keçirilən yoxlama görüşündə də qol vuraraq fərqlənmişdi.
