Vaşinqton, ABŞ — ABŞ-ın sabiq prezidenti Donald Tramp Rusiya prezidenti Vladimir Putinin real təhlükə olduğunu və izoliyasionizmin (qapalı xarici siyasət kursunun) qeyri-effektiv strateji yanaşma olduğunu anlamağa başlayır. Bu barədə The Wall Street Journal-ın köşə yazarı Peqqi Nunan yazıb.
Nunanın fikrincə, Trampın qlobal problemlərdən, xüsusən də Ukraynadakı müharibədən uzaq durmaq cəhdi onun üçün mənfi nəticələrə səbəb ola bilər. Belə yanaşma dünyaya ABŞ-ın zəiflədiyini göstərə və potensial rəqibləri – xüsusən də Çini – daha da cəsarətləndirə bilər.
Yazar hesab edir ki, Tramp müttəfiqlərlə münasibətlərdə gərginlik yaratmaqdan, onları hədələmək və tənqid etməkdən imtina etməli, əvəzində isə daha ehtiyatlı və sülhpərvər yanaşma nümayiş etdirməlidir. Bununla yanaşı, o, prinsipial və möhkəm mövqe sərgiləməyi də unutmamalıdır.
//Samir Qurbanov, Editor.az
