Qida məhsullarının topdan satışı fəaliyyətilə məşğul olan "Merano-Baku" ASC 2024-cü ili 1 milyon 939 min manat xalis mənfəət ilə başa vurub. Şirkət 2023-cü ili 2 milyon 215 min manat xalis mənfəət ilə bağlamışdı. Beləliklə, "Merano-Baku" şirkətinin xalis mənfəəti 2024-cü ildə 276 min manat və ya 12,5% azalıb.
Marja.az xəbər verir ki, "Merano-Baku" şirkətinin satışan cəmi gəliri 2023-cü ildə 24 milyon 275 min manat ikən, 2024-cü ildə 30 milyon 225 min manat təşkil edib (5 milyon 950 min manat və ya 24,5% artıb).
Ötən il "Merano-Baku" əməliyyat mənfəəti 1 milyon 203 min manat və ya 43,5% aratarq 3 milyon 971 min manat təşkil edib. Gəlirdən çıxılmayan 1 milyon 238 min manat xərcə görə, Şirkətin xalis mənfəəti azalıb.
Qeyd edək ki, “Merano-Baku” şirkəti, Amerika, Almaniya, İtaliya, İspaniya, Çexiya, Macarıstan,Rusiya, Türkiyə, BƏƏ, Polşa, Belçika, Belarusiya, Hindistan, Danimarka, Niderland, Fransa, Finlandiya, Yaponiya, Çin, Sinqapur, Tailand və.s kimi inkişaf etmiş ölkələrdən məhsullar idxal edir. Şirkət əsasən un məmulatları, makaron çeşidləri, qida əlavələri, müxtəlif növ yağ növləri, konservləşdirilmiş məhsullar, müxtəlif növ pendirlər, balıq məhsulları idxal edir.
