Finss.az - İtalyan neft xidmətləri şirkəti Saipem, Eni-nin törəmə şirkəti Enilive üçün Venesiya yaxınlığındakı Porto-Margera bio emal zavodunun genişləndirilməsi üzrə 155 milyon avro dəyərində müqavilə qazandı.
Layihə çərçivəsində zavodun istehsal gücü illik 400 min tondan 600 min tona çatdırılacaq və 2027-ci ildən ekoloji təmiz aviabioyanacaq (SAF) istehsalına başlanacaq.
Bu müqavilə, şirkətlər arasında bio emal sahəsində əməkdaşlığın genişləndirilməsi məqsədilə imzalanan yeni sazişin bir hissəsidir. SAF bioyanacağı fosil yanacaq əvəzinə yenilənə bilən xammal və tullantılardan hazırlanır və Avropa İttifaqının 2023/2405 saylı qaydalarına uyğun olaraq, 2025-ci ildən etibarən AB hava limanlarında istifadə ediləcək reaktiv yanacaqlara minimum 2% bioyanacaq qatılması tələb olunur.
Enilive İtaliyada Livorno, Ceneva və Venesiya şəhərlərində bir neçə bio emal zavoduna sahibdir və bu genişlənmə ölkənin bioyanacaq sektorunda strateji əhəmiyyət daşıyır.
