Ses qazeti saytından verilən məlumata əsasən, ain.az məlumatı açıqlayır.
İqtisadi Əməkdaşlıq Təşkilatının (ECO) 17-ci Zirvə görüşünün Qarabağda, Xankəndidə təşkil edilməsinin xüsusi mənası var. Xankəndidə keçirilən Zirvə görüşü Azərbaycanın həm də region ölkələrinin, bütün dünyaya sülh, əməkdaşlıq və inkişaf çağırışı Aərbaycanın nə qədər iradəli, uzaqgörən və güclü dövlət olduğunu bir daha sübut etdi. Ermənistanın işğalından azad edilmiş torpaqlarımızda artıq bir neçə mühüm beynəlxalq tədbir keçirilmişdir. İqtisadi Əməkdaşlıq Təşkilatı Azərbaycanın ən fəal təmsil olunduğu qurumlardandır. Təşkilatın əsas məqsədi ortaq din və mentalitet birliyi olan üzv ölkələrin iqtisadi əməkdaşlığını artırmaqdır. Azərbaycan xalqı və dövləti heç vaxt işğalla barışmadı Ermənistan və onun arxasında duran dövlətlərə bildirildi ki, əgər Ermənistan işğal edilmiş torpaqlardan öz xoşu ilə çıxmasa, Azərbarcan ərazi bütövlüyünü hərbi yolla bərpa edəcək.
2020-ci ildə 44 günlük Vətən müharibəsi zamanı Azərbaycan Ermənistanı döyüş meydanında darmadağın edərək 300-dən çox şəhər və kəndi azad etdi. Ermənistan 2020-ci il noyabrın 10-da kapitulyasiya aktı imzalamağa məcbur oldu. İşğal dövründə Ermənistan şəhər və kəndlərimizi, mədəni və dini abidələrimizi yer üzündən silmişdir. 67 məsciddən 65-i Ermənistan tərəfindən yerlə-yeksan edilib, qəbiristanlıqlar vandalizmə məruz qalıb, dağıdılıb, qəbir daşları talanaraq Ermənistana aparılıb. Dövlət qurumlarından ibarət komissiya öz işinə xarici ekspertləri cəlb edərək, beynəlxalq təcrübədən yararlanmaqla işğal nəticəsində Azərbaycana vurulmuş zərəri təxminən 150 milyard ABŞ dolları məbləğində qiymətləndirmişdir.Azərbaycan Ermənistanın xarabazara çevirdiyi torpaqlarda 16 şəhər və kəndə keçmiş məcburi köçkünlərin qayıdışı təmin etmiş və hal-hazırda həmin ərazilərdə 50 mindən çox insan yaşayır, çalışır və təhsil alır.
Xankəndi zirvəsi münaqişə və mübahisələrin əksər hissəsinin məhz İƏT-ə üzv ölkələrin ərazisində baş verdiyi bir vaxtda keçirildiyindən dialoq imkanlarının genişlənməsi baxımından mühüm əhəmiyyət kəsb edir. Liderlər də bir daha bildirdilər ki, sülh və inkişafın bünövrəsi iqtisadi əməkdaşlığa söykənir. Bu mənada üzv ölkələrin təşkilat daxilində tərəfdaşlığı zərurətə çevrilib.
Azər Ağayev
YAP Tərtər rayon təşkilatının sədr müavini
Daha ətraflı məlumat və yeniliklər üçün ain.az saytını izləyin.
