ain.az bildirir, Olke.az saytına əsaslanaraq.
Xərçəngi Araşdırma üzrə Beynəlxalq Agentliyin (IARC) apardığı tədqiqat göstərib ki, menopauzadan sonrakı dövrdə olan qadınlarda artıq çəki və ürək-damar xəstəlikləri birləşəndə döş xərçəngi riski əhəmiyyətli dərəcədə artır.
Ölkə.az xəbər verir ki, bu barədə tədqiqat "Cancer" jurnalında dərc olunub və 10 ildən artıq müşahidə aparılmış 168 mindən çox qadının məlumatlarına əsaslanır.
Məlumata görə, süd vəzi xərçəngi diaqnozu qoyulmuş 6 793 qadının bədən kütlə indeksi (BMI) və xroniki xəstəliklərinin olub-olmaması müqayisə edilib. Məlum olub ki, BMI-də hər 5 vahid artım ürək problemi olmayan qadınlarda döş xərçəngi riskini 13%, ürək-damar xəstəliklərindən əziyyət çəkənlərdə isə 31% artırır.
2-ci tip şəkərli diabetin risk səviyyəsinə nəzərəçarpacaq dərəcədə təsir etmədiyi, buna qarşı ürək-damar diaqnozlarının daha ciddi rol oynadığı qeyd olunub. Hesablamalara görə, artıq çəki (BMI 25-dən yuxarı) və ürək xəstəliklərinin birgə olması hər 100 min qadın üçün illik əlavə 153 yeni xəstəlik halı ilə nəticələnir.
Alimlər hesab edirlər ki, profilaktik yanaşmalar yenilənməlidir: artıq çəkisi və ürək xəstəlikləri olan qadınlara daha tez-tez skrininq yoxlamaları və simptomlara xüsusi diqqət tövsiyə olunur.
Həmidə İbrahimova
Sonrakı hadisələr barədə daha çox məlumat almaq üçün ain.az saytını izləyin.
