Azərbaycan Həmrəylik Komitəsinin (AHK) sədri Əlisahib Hüseynov Türkiyə Silahlı Qüvvələrinin 5 əsgərinin şəhid olması ilə əlaqədar türk xalqına başsağlığı verib.
AHK Mətbuat xidmətindən verilən məlumata əsasən, başsağlığında deyilir:
“İraqın şimalında “Pençe-Kilit” antiterror əməliyyatı bölgəsindəki əməliyyat-axtarış tədbirlərində 2022-ci ilin 28 may tarixində terrorçuların açdığı atəş nəticəsində şəhid olmuş Türkiyə Silahlı Qüvvələrinin bir zabitinin nəşinin axtarışı zamanı ötən gün (6 iyul 2025-ci il tarixində) mağarada metan qazı nəticəsində 5 nəfər türk hərbi qulluqçusunun şəhid olması bizim üçün də çox acı hadisədir.
Biz bu acı xəbəri dərin kədər hissilə qarşıladıq. Türkiyənin acısı bizim də acımızdır. Azərbaycan Həmrəylik Komitəsi və ZaferTV heyəti olaraq bu ağır itkini böyük üzüntü ilə qeyd edir, şəhid olmuş qəhrəman türk əsgərlərinə Allahdan rəhmət diləyir, onların ailələrinə və bütün Türk xalqına dərin hüznlə başsağlığı veririk.
Allah rəhmət eləsin.
Əlisahib Hüseynov, Azərbaycan Həmrəylik Komitəsinin sədri”
