Bu gün klublararası dünya çempionatında son 2 yarımfinalçı müəyyənləşəcək.
QOL.az xəbər verir ki, 1/4 finalda Fransa PSJ-si Almaniya "Bavariya"sı ilə qarşılaşacaq. Görüş Bakı vaxtı ilə saat 20:00-da başlayacaq.
Digər oyunda isə İspaniya təmsilçisi "Real" Almaniya "Borussiya"sı (Dortmund) ilə üz-üzə gələcək. Bu matç Bakı vaxtı ilə saat 00:00-da start götürəcək.
İki matçın qalib tərəfləri yarımfinalda bir-birləri ilə qarşılaşacaqlar.
Qeyd edək ki, daha əvvəl "Fluminense" və "Çelsi" yarımfinala adlayıb.
Xatırladaq ki, turnirə iyulun 13-də yekun vurulacaq.
Klublararası dünya çempionatı, 1/4 final
20:00. PSJ (Fransa) - “Bavariya) (Almaniya)
00:00. “Real (Madrid, İspaniya) - “Borussiya” (Dortmund, Almaniya)
Yarımfinal
8 iyul
23:00. "Fluminense" (Braziliya) - "Çelsi" (İngiltərə)
9 iyul
23:00. PSJ (Fransa) - “Bavariya) (Almaniya) / “Real (Madrid, İspaniya) - “Borussiya” (Dortmund, Almaniya)
