Sammitin Xankəndidə keçirilməsi xüsusi əhəmiyyət daşıyır.
Sherg.az xəbər verir ki, bunu Qırğız Respublikasının Prezidenti Sadır Japarov İqtisadi Əməkdaşlıq Təşkilatının (ECO) 17-ci Zirvə görüşündəki çıxışında deyib.
O, ECO ölkələri arasında əməkdaşlığa böyük əhəmiyyət verildiyini vurğulayıb: "Bu gün keçirilən görüşdə olduqca vacib məsələlərə toxunuldu. Xüsusilə iqlim dəyişikliyi bu günün ən mühüm çağırışlarından biridir və artıq ölkələrin daxili siyasətinə təsir göstərərək dəyişikliklərə səbəb olur. Qırğızıstan da bu istiqamətdə əməkdaşlığa tam hazırdır".
