ain.az, Oxumeni.az saytına istinadən bildirir.
Daha bir azərbaycanlı ailə yeniyetmələr arasında davaya görə Rusiyadan qovulub
Sankt-Peterburq polisi metronun "Ulitsa Dıbenko" stansiyası yaxınlığında yeniyetmə münaqişəsinin ikinci iştirakçısı olan 15 yaşlı gənci valideynləri ilə birlikdə Azərbaycana qovmaq qərarına gəlib.
Oxuməni.az “RBC”ya istinadla xəbər verir ki, Daxili İşlər Nazirliyinin şəhər və Leninqrad vilayəti üzrə Baş İdarəsinin mətbuat xidmətindən verilən məlumata görə, o, ailəsi ilə birlikdə vətəninə deportasiya ediləcək.
Polisin bildirdiyinə görə, gənc oğlan hadisənin birbaşa iştirakçısı olub. Nəticədə yeniyetmə və onun valideynlərinə qarşı miqrasiya tədbirləri görülüb - onlar Rusiya Federasiyasından qovulublar.
Xatırladaq ki, bir müddət əvvəl polis 13 yaşlı Azərbaycan vətəndaşını ailə üzvləri - valideynləri, qardaşı və bacısı ilə birlikdə saxlamışdı. Daxili İşlər Nazirliyinin Baş İdarəsindən verilən məlumata görə, iyunun 30-da onun Nevski rayonu ərazisində 16 yaşlı sakini ilə münaqişəsi yaranıb və bu münaqişəni təkbətək görüş zamanı həll etmək qərarına gəliblər. Lakin yeniyetmə dostları ilə görüşə gələrək rəqibini döyüb. Zərərçəkmiş döyülmə izləri ilə xəstəxanaya yerləşdirilib. Bir neçə gün sonra polis 13 yaşlı yeniyetmənin ailəsi ilə birlikdə Azərbaycana deportasiya edilməsi barədə məlumat verib.
Almaz Həsənli
Sonrakı hadisələr barədə daha çox məlumat almaq üçün ain.az saytını izləyin.
