Xəbər verdiyimiz kimi, bu gündən etibarən 2025–2026-cı tədris ili üçün müəllimlərin işə qəbulu üzrə müsabiqənin test imtahanı mərhələsinə start verilib.
AzEdu.az-a bu barədə İnsan Resursları Mərkəzindən məlumat verilib.
Mərkəzdən bildirilib ki, 3 iyul 2025-ci il tarixində keçirilən müəllimlərin işə qəbulu üzrə test imtahanı zamanı 325 namizədin iştirak etdiyi 5 imtahan mərkəzində internet bağlantısının təminatında fasilələr müşahidə olunmuşdur. Yarandığı andan etibarən texniki nasazlıq operativ şəkildə aradan qaldırılmış və itirilmiş vaxtın bərpası təmin edilmişdir.
