Azərbaycanlı gimnast Mətanət İbrahimova 2014 B kateqoriyasında dünyanın bir çok ölkələrindən qatılan idmançılarla bərabər Türkiyənin İstanbul şəhərində keçirilən "İstanbul Cup Uluslararası” və "Performance Cup Uluslararası” yarışmalarında iştirak edib. 26-29 iyun 2025 tarixində kecirilən yarışmalara, Azərbaycandan da bir neçə bədii gimnastika klublarının ritmik gimnastları qatılıb, dərəcələr əldə ediblər.
Mia.az xəbər verir ki, Mətanət İbrahimova isə Türkiyənin İstanbul şəhərində qurucusu Azərbaycanın Olimpiya, Dünya və Avropa çempionu olan Valerya Yegayın Alev gimnastika klubunun üzvü, Türkiyə Gimnastik Federasiyasının lisenziyalı idmançısıdır. "İstanbul Cup Uluslararası” yarışmasında top və lent ilə yarışan Mətanət, top aləti ilə 3-cü, lent aləti ilə 8-ci olub.
