ABŞ prezidenti Donald Tramp İsrailin Qəzza zolağında 60 günlük atəşkəs şərtlərini qəbul etdiyini açıqlayıb. Tramp Qətər və Misirin HƏMAS-a son təklifini təqdim edəcəyi prosesin davamında məqsədin müharibəni tamamilə bitirmək olduğunu bildirib.
Tramp İsrailin atəşkəs şərtlərini qəbul etdiyini bildirib.
“Truth Social” platformasındakı paylaşımında Tramp nümayəndələrinin İsrail rəsmiləri ilə “uzun və məhsuldar” görüşü olduğunu bildirib.
Qəzzada atəşkəsin yaradılması üçün göstərilən səylərə toxunan Tramp, "İsrail 60 günlük atəşkəsin bağlanması üçün lazım olan şərtləri qəbul etdi. Bu müddət ərzində bütün tərəflərlə birlikdə müharibənin sona çatması üçün çalışacağıq" dedi.
Tramp qeyd edib ki, atəşkəs danışıqlarında vasitəçilik edən Qətər və Misir Həmas-a “son təklif” təqdim edəcək.
Prezident Tramp, "Ümid edirəm ki, Həmas bu razılaşmanı Yaxın Şərqin xeyrinə qəbul edər. Çünki bu, daha yaxşı olmayacaq, daha da pis olacaq" deyib.
