.webp)
"İnter"in mətbuat xidməti komandanın yarımmüdafiəçisi Hakan Çalhanoğlunun zədələndiyini açıqlayıb.
Publika.az xəbər verir ki, türkiyəli futbolçu klublararası dünya çempionatının qrup mərhələsinin üçüncü turunda "River Pleyt"ə qarşı keçirilən oyunu (2:0) buraxıb.
31 yaşlı futbolçuya MRT müayinəsi aparılıb və nəticədə onun sağ ayağının baldır əzələsində (kamabalovəhid əzələsində) dartınma müəyyən olunub. Bu səbəbdən, Çalhanoğlunun turnirin qalan hissəsini də buraxmaq ehtimalı var.
"İnter" E qrupunu lider olaraq tamamlayıb və 1/8 finalda Braziliyanın "Fluminense" klubu ilə qarşılaşacaq.
