Məşhur türkiyəli aktrisa Ezgi Mola əri Mustafa Aksakallıdan boşanmaq qərarına gəldiyini açıqlayıb.
“Qafqazinfo” xəbər verir ki, aktrisa bu barədə sosial media hesabında paylaşım edib:
“İki illik evliliyimizi bitirməyə qərar verdik. Bir-birimizə olan sevgimizin ən gözəl hədiyyəsi Candır. Onunla ən gözəl şeyləri yaşamaq üçün əlimizdən gələni edəcəyik. Prosesin davamında dostluğumuza zərər vermədən, incitmədən, qırmadan bir-birimizin yanında olacağıq. Bizdən eşitmədiyiniz heç bir şeyə inanmayın”.
Qeyd edək ki, Ezgi iş adamı Mustafa Aksakallı ilə 4 illik münasibətdən sonra 2023-cü ildə ailə qurmuşdu. Cütlüyün ötən ilin noyabrında Can adlı körpələri dünyaya gəlmişdi.
