İran prezidenti Məsud Pezeşkian ölkəsi ilə ABŞ arasında problemləri beynəlxalq çərçivə əsasında həll etməyə hazır olduqlarını bildirib.
İran dövlət televiziyasının məlumatına görə, Pezeşkian Səudiyyə Ərəbistanının vəliəhd şahzadəsi Məhəmməd bin Salman, Birləşmiş Ərəb Əmirliklərinin (BƏƏ) prezidenti Şeyx Məhəmməd bin Zayed Əl Nəhyan və Pakistanın baş naziri Şahbaz Şəriflə telefon danışığı aparıb.
Pezeşkian Səudiyyə Ərəbistanının vəliəhd şahzadəsi bin Salman qarşısında çıxışında “İran və ABŞ arasındakı məsələləri beynəlxalq çərçivə əsasında həll etməyə hazırıq” deyib.
Bu prosesdə dost və qardaş ölkələrin hər cür dəstəyi alqışladıqlarını ifadə edən Pezeşkian, "Biz ciddi şəkildə inanırıq ki, ABŞ və sionist rejimi İslam ölkələri arasında təfriqə salmağa çalışır. İran regionda birlik və sülhü gücləndirmək üçün səy göstərir" söyləyib.
Xəbərdə Səudiyyə Ərəbistanı vəliəhdi bin Salmanın ölkəsinin əvvəldən İsrailin İrana qarşı hərəkətlərini pislədiyini xatırladaraq, "Biz və bölgəmizdəki heç bir ölkə İrana qarşı hər hansı bir hərəkət üçün hava məkanımızı açmamışıq və bunu etməyəcəyik. Həmçinin ölkələrimizdəki ABŞ bazalarından İrana qarşı heç bir əməliyyat olmayacaq. ABŞ-ın hücumuna cavab verməklə bağlı öhdəliklərinizi də anlayırıq" dedi.
