İran bir neçə raket zərbəsindən sonra İsraillə atəşkəs elan edib.
Publika.az xəbər verir ki, bu barədə İranın “Press TV” telekanalı məlumat yayıb.
İran iyunun 24-nə keçən gecə İsrail ərazisinə cavab zərbələri endirib. Bir neçə saat əvvəl isə Təl-Əviv Tehrana çoxlu sayda raket zərbəsi endirib. İsrail Müdafiə Qüvvələri ölkədə hava hücumu xəbərdarlığı elan edib. IDF sakinlərə sığınacaqlarını tərk etməməyi şiddətlə tövsiyə edib.
Bundan əvvəl ABŞ prezidenti Donald Tramp İsrail və İranın yaxın saatlarda tam atəşkəs barədə razılığa gəldiyini bildirmişdi. Ağ Evin rəhbəri qeyd edib ki, atəşi birinci İran, 12 saat sonra isə İsrail elan edəcək. 24 saatdan sonra "dünya 12 günlük müharibənin bitməsini qeyd edəcək".
