Hubey Universitetinin (Çin) alimləri müəyyən ediblər ki, hazır qəhvənin müntəzəm istehlakı qocalıqda görmə qabiliyyətinin pisləşməsi riskinin artması ilə əlaqələndirilir.
Publika.az xəbər verir ki, araşdırmanın nəticələri "Food Science & Nutrition" (FSN) jurnalında dərc olunub .
Orada alimlər yarım milyondan çox insanın sağlamlığı və vərdişləri haqqında məlumat toplayan böyük tibbi layihə olan Britaniya Biobankının məlumatlarını təhlil ediblər.
İştirakçıların hansı növ qəhvəyə üstünlük verdiyinə xüsusi diqqət yetirilib - adi, üyüdülmüş və ya kofeinsiz. Məlum olub ki, yalnız hazır qəhvə içənlərdə yaşa bağlı makulyar degenerasiya riski artıb.
Bu, aydın görmədən məsul olan retinanın mərkəzi hissəsini (makula adlanır) zədələyən bir göz xəstəliyidir. Makula degenerasiyası tədricən inkişaf edə bilər və ağır hallarda korluğa səbəb olur.
