ABŞ Prezidenti Donald Tramp bəyan edib ki, İrana son ultimatum verir. Onun sözlərinə görə, İslam Respublikasının hava məkanı tamamilə ABŞ-ın nəzarəti altındadır və region ciddi sarsıntılar ərəfəsindədir.
BAKU.WS MK.ru-ya istinadən xəbər verir ki, jurnalistlərin onun sərt mövqeyi ilə bağlı sualına cavab olaraq Tramp təsdiqləyib:
"Demək olar ki, bu, son ultimatumdur."
Ağ Evin rəhbəri izah edib ki, söhbət Tehranın qeyd-şərtsiz təslim olmasından gedir.
"Bu sadədir: Mən təslim oluram, bəsdir artıq," – deyə o əlavə edib.
Amerika lideri həmçinin xəbərdarlıq edib ki, əgər İran bu tələbi rədd etsə, ABŞ onun hərbi və nüvə obyektlərinə zərbələr endirməyə hazırdır. O qeyd edib ki, növbəti həftə Yaxın Şərq üçün həlledici ola bilər.
"Müharibə asan iş deyil. Çox pis şeylər baş verə bilər," – deyə Tramp bildirib və əlavə edib:
"Əgər onlar təslim olmasalar, biz onların bütün nüvə şeylərini məhv edəcəyik. Onlar hər yerdədir".
