BAKI, 18 iyun. TELEQRAF
“Avropa İttifaqı (Aİ) Ukraynaya öz təhlükəsizliyi naminə Rusiyanın təcavüzünə qarşı mübarizədə möhkəm durmaqda kömək etməyə davam etməlidir”.
Teleqraf xəbər verir ki, bunu Aİ-nin xarici işlər və təhlükəsizlik siyasəti üzrə ali nümayəndəsi Kaya Kallas deyib.
“Ukraynaya dəstək məsələsində Avropa İttifaqı üzərinə düşəni edir. Ən azı ona görə ki, Ukrayna Avropanın birinci müdafiə xəttidir. Biz Ukrayna üçün, həm də öz təhlükəsizliyimiz üçün daha çox iş görməliyik”, - Kallas vurğulayıb.
Aİ-nin baş diplomatı vurğulayıb ki, Rusiya yalnız güc dilini başa düşür:
“Ona görə də təzyiqi artırmaq üçün 18-ci sanksiyalar paketini təklif etmişik. Hər belə sanksiyalar Rusiyanın bu müharibəni davam etdirmək qabiliyyətini zəiflədir. Gəlin aldanmayaq: sanksiyalar işləyir. Avropa sanksiyaları sayəsində Rusiya neft ticarətindən on milyardlarla dollar itirib, tək qalıb.
Ukrayna bu gün döyüş meydanında nə qədər güclüdürsə, Rusiya danışmağa hazır olanda o, danışıqlar masasında da bir o qədər güclü olacaq”.
