BAKI, 17 iyun. TELEQRAF
ABŞ prezidenti Donald Trampa məxsus şirkət tərəfindən 499 dollara satılacağı açıqlanan T1 smartfonunun Çində istehsal ediləcəyi açıqlanıb. Mütəxəssislər iddia edirlər ki, Çin şirkəti tərəfindən hazırlanmış telefon ABŞ-da istehsal oluna bilməz.
Teleqraf xəbər verir ki, ABŞ prezidenti Donald Trampa məxsus şirkət bazar ertəsi günü 499 dollara satılacağını bildirdiyi qızılı rəngli cihazı "T1" adlandırıblar. Smartfon "Google"-un Android əməliyyat sistemi ilə işləyəcək.
“Trump Organization” telefonun “ABŞ-da istehsal ediləcəyini” bildirsə də, ekspertlər onun Çin şirkəti tərəfindən dizayn və istehsal edildiyini ehtimal edirlər.
Beynəlxalq Data Korporasiyasının vitse-prezidenti Fransisko Jeronimo CNBC-yə "Telefonun sıfırdan dizayn edilib ABŞ-da yığılması və ya tamamilə ABŞ-da istehsalının heç bir yolu yoxdur. Bu, sadəcə olaraq mümkün deyil", deyib.
