Birjalarda inanılmaz sakitlik var, normal satış-alış əməliyyatları gedir, neft “dəlilik” etmir, neftin və qızılın qiymətləri kəskin qalxmır, rutin bir birja günüdür. Halbuki Yaxın Şərqdəki alov, İsrail-İran müharibəsi birjaları alt-üst etməli, ilk növbədə nefti, sonra da “güvənli liman” olan qızılı (qızıl hətta 0,5% ucuzlaşır bu dəqiqələrdə) kəskin bahalaşdırmalı idi.
NOCOMMENT.az xəbər verir ki, bu barədə iqtisadçı ekspert Natiq Cəfərli qeyd edib.
O bildirib ki, ümumiyyətlə, bazar, birja ən dəqiq indikatordur, investorların davranışı analiz üçün ən sağlam istinad nöqtəsidir:
“Birjalardakı vəziyyət onu deməyə imkan verir ki, İsrail-İran qarşıdurması yaxın saatlarda bitəcək (1-2 gün çəkə bilər), anlaşma olacaq, bundan sonra İran daxilində daha maraqlı proseslərin şahidi olacağıq”.\\KONKRET.az
